Infektuar: 40117
Shëruar: 25586
Vdekur: 1026
Ekzekutohen 2 milionë euro për kompensimin e dëmeve në bujqësi

Ekzekutohen 2 milionë euro për kompensimin e dëmeve në bujqësi

Ekonomia October 22, 2020 - 17:45

Ministri i Bujqësisë, Pylltarisë dhe Zhvillimit Rural, Besian Mustafa ka njoftuar sot bujqit kosovarë se janë realizuar pagesat për kompensim të dëmeve nga fatkeqësitë natyrore ndaj kulturave bujqësore, për periudhën janar-qershor 2020.

“Pagesat janë ekzekutuar për 2.354 bujq në vlerë prej 2 milionë euro, në 21 komuna: Prishtinë, Podujevë, Fushë Kosovë, Drenas, Skenderaj, Vushtrri, Mitrovicë, Rahovec, Suharekë, Gjilan, Viti, Kamenicë, Klinë, Istog, Pejë, Prizren, Dragash, Mamushë, Kaçanik, Shtime dhe Leposaviq”, thuhet në njoftimin e ministrisë.

Ministri Mustafa u zotua se do të mbeten të angazhuar që të përkrahin bujqit vendor./Zëri