McCain: SHBA përkrah projektin e ndërtimit të termocentralit Kosova e Re
Foto: Laura Hasani

McCain: SHBA përkrah projektin e ndërtimit të termocentralit Kosova e Re

Ekonomia prill 13, 2017 - 16:02

Senatori amerikan, John McCain në adresim e tij para deputetëve të Kuvendit të Kosovës ri përsëriti përkushtimin e Shteteve të Bashkuara të Amerikës për të ndihmuar Kosovën në zhvillimin ekonomik të saj.

Duke folur për proceset e mëdha në për të cilat po kalon Kosova ai nuk harroi të përmend edhe proceset e realizimit të projekteve të rëndësishme ekonomike të vendit.

Ai ka sugjeruar vazhdimin e reformave ekonomike, ndërtimin e “Termocentralit Kosova “C” si dhe vazhdimin e ndërtimit të infrastrukturës rrugore.

“SHBA përkrah projektin e ndërtimit të termocentralit të ri Kosova e Re”, ka thënë senatori McCain.

Ministria e Zhvillimit Ekonomi tashmë është në fazën përfundimtare të realizimit të projektit të ndërtimit të termocentralit Kosova e Re me një kapacitet prej 450 megavat.

Vlera financiare e këtij projekti, sipas ministrit Blerand Stavileci, pritet të arrijë në rreth një miliard euro dhe krijimin e mijëra vendeve të reja të punës si në ndërtim ashtu edhe në funksionalizim.