Arrestohet ish-kryeministri i Nepalit, akuzohet për vdekjen e dhjetëra njerëzve në protestat e shtatorit

Ish-kryeministri i Nepalit, KP Sharma Oli është arrestuar për vdekjen e dhjetëra njerëzve gjatë protestave të dhunshme në shtator, që rrëzuan qeverinë dhe sollën zgjedhje të reja.

Autoritetet vunë në pranga udhëheqësin e fuqishëm komunist në rezidencën e tij në periferi të kryeqytetit Katmandu. Ata arrestuan gjithashtu ish-ministrin e Brendshëm, i cili është akuzuar se ka urdhëruar autoritetet të qëllojnë mbi protestuesit. Për ish-kryeministrin e Nepalit kërkohet një dënim deri në 10 vite burg.

Në protestat e udhëhequra nga të rinjtë kundër korrupsionit dhe qeverisjes së dobët humbën jetën 76 persona dhe më shumë se 2,300 mbetën të plagosur. /abcnews