Vritet shefi i sigurisë në Iran, Ali Larijani

Ministri i Mbrojtjes i Izraelit, Israel Katz, ka deklaruar se sulmet e natës së kaluar kanë vrarë shefin e sigurisë së Iranit, Ali Larijani.

Ai tha se forcat izraelite kanë vrarë gjithashtu zyrtarin e lartë të sigurisë dhe komandantin e Basij, Gholamreza Soleimani.

“Kryeministri dhe unë kemi udhëzuar ushtrinë izraelite që të vazhdojë ndjekjen e udhëheqjes së regjimit të terrorit dhe shtypjes në Iran”, ka thënë Katzi.

Ai shtoi se Donald Trump kishte folur për shkallën e lartë të ndryshimit të udhëheqjes në Iran, duke theksuar se kjo po vazhdon dhe madje po rritet pas vrasjes së dy prej liderëve më të lartë të mbetur.

Katz gjithashtu ka lavdëruar pilotët e forcave ajrore izraelite dhe zyrtarët e inteligjencës të përfshirë në operacion.

Nga ana tjetër, Irani ende nuk ka konfirmuar nëse Larijani dhe Soleimani janë vrarë. /Zëri