Sulmet izraelite “dëbojnë” mbi 1 milion njerëz në Liban

Sulmet e Izraelit kanë zhvendosur më shumë se një milion njerëz në Liban.

Kjo është afërsisht 20% e popullsisë së vendit të vogël mesdhetar, shkruan Associated Press.

Ata janë dëbuar nga zona të mëdha të rajonit jugor të vendit dhe periferive jugore të kryeqytetit të tij, sipas qeverisë libaneze, e cila thotë se rreth 850 njerëz janë vrarë.

Disa trupa izraelite kanë hyrë në Libanin jugor dhe ka frikë se Izraeli po përgatit një pushtim në shkallë të gjerë.