Zgjerohet konflikti në Lindjen e Mesme
Sulmet e dukshme iraniane në rajon po vazhdojnë - me shpërthime të raportuara në Bahrein, Dubai dhe Kuvajt.
Një deklaratë e përbashkët nga shtetet e Gjirit dhe SHBA-së dënon "sulmet e pamatura me raketa dhe dronë" të Iranit. Kjo vjen pasi Izraeli dhe SHBA-ja goditën Iranin të shtunën, duke vrarë udhëheqësin suprem të vendit, Ajatollah Ali Khamenei. Ushtria izraelite thotë se ka nisur sulme shtesë në Teheran.
Autoritetet në Iran kanë paralajmëruar banorët të mos dalin në rrugë për të protestuar, raporton BBC. Ministria libaneze e shëndetësisë ka thënë se sulmet izraelite në Bejrut dhe Libanin jugor kanë vrarë të paktën 31 persona - Izraeli thotë se po u përgjigjej sulmeve të Hezbollahut.
Në Qipro, një bazë britanike e u shënjestrua nga një "sulm i dyshuar me dronë". Sipas informacionit të marrë, ministri i brendshëm qipriot ka udhëzuar kryetarin e bashkisë së Kourion, pranë bazës së Mbretërisë së Bashkuar, të vazhdojë me një evakuim të detyrueshëm.
Ndërkohë, media qipriote raporton se një alarm u ngrit në aeroportin e Pafos, pasi një dron i dyshuar u zbulua në hapësirën ajrore të tij.
Të paktën tre ushtarë amerikanë u vranë në Kuvajt, me Presidentin e SHBA-së Trump që paralajmëroi se mund të ketë shumë më tepër vdekje të ushtarëve, ndërsa citoi parashikimet e Pentagonit. Trumpi tha të dielën se lufta mund të zgjasë katër deri në pesë javë.
Zyrtari më i lartë i Iranit tha se Teherani "nuk do të negociojë" me SHBA derisa mbrëmë Hezbollahu, grupi shiit libanez që është mbështetur nga Irani me miliarda dollarë, qëlloi me raketa qytetin izraelit të Haifës. Izraeli u përgjigj me një sulm ajror të gjerë.
Në shënjestër u vu fortesa e Hezbollahut në periferitë jugore të Bejrutit, si dhe zonat afër aeroportit të qytetit. Lufta ka ndërprerë udhëtimet ajrore, ka goditur shtetet e Gjirit miqësore me SHBA-në që zakonisht konsiderohen të sigurta si dhe ka penguar rrjedhën e naftës. Dhe në Qipro, një bazë britanike u shënjestrua nga një "sulm I dyshuar me dron", ka thënë Ministria Britanike e Mbrojtjes.
Çmimet globale të naftës u rritën kur tregjet u hapën në Azi të hënën dhe ndërprerjet e udhëtimit vazhdojnë, me hapësirën ajrore të mbyllur në të gjithë Gjirin. /rtk
