Dalin bisedat e Lajçakut me Epsteinin për gratë dhe takimin me Lavrovin: “Janë të reja për ty”, “Mos u bëj i keq, nuk më ke parë në aksion”
Këshilltari i kryeministrit sllovak, Miroslav Lajçak, ka dhënë dorëheqje pasi janë publikuar mesazhet e tij me të akuzuarin për abuzim seksual, Jeffrey Epstein.
Ish-emisari i BE-së për Ballkanin Perëndimor dhe Epsteini kanë diskutuar me entuziazëm për gratë dhe për një takim me Ministrin e Jashtëm rus Sergei Lavrov, raporton BBC.
Pasi Epsteini dërgoi një imazh, i cili nuk mund të shihet në video, Lajçaku përgjigjet: “Pse nuk më fton për këto lojëra? Do të merrja vajzën ‘MI’”.
“Kush nuk do të donte”, i përgjigjet Epsteini. “Mund t’i kesh të dyja, nuk jam posesiv. Edhe motrat e tyre”.
Më vonë gjatë bisedës, Epsteini mund të shihet duke iu lutur Lajcak që t’i kërkojë Lavrovit t’i marrë një bluzë me Lavrovin dhe Viltaly Churkin, një ambasador rus në OKB, i cili kishte vdekur vitin e kaluar.
“Ti merr bluzën. Pastaj merr vajzat,” shkruan Epstein, me të cilën Lajçaku pajtohet.
Epstein më pas thotë: “Pa shaka, motrat e tyre po notojnë të dyja në pishinë.”
“Kjo nuk është e drejtë!” përgjigjet Lajçaku.
“Megjithëse të gjitha janë nën 30 vjeç. Pra. Ndoshta shumë të reja për ty,” shton Epstein. “Ose duhet të them nën 50 vjeç.”
“Mos u bë i keq. Nuk më ke parë në aksion”, ia kthen Lajçaku.
Në një email drejtuar Epstein në nëntor 2017, Lajçaku i kërkon Epsteinit të ndihmojë një producente filmash që ta fusë filmin e saj në listën e ngushtë për çmimet Oscar të atij viti.
Lajçak ufillimisht mohoi të kishte diskutuar për gratë me Epsteinin kur dosjet u publikuan të premten, sipas mediave sllovake. Më vonë thuhet se ai tha se kishte vendosur të jepte dorëheqjen për të shmangur dëmtimin politik të Ficos.
