Christine Lagarde: BE-ja do të gjejë një mënyrë për të ndihmuar Ukrainën, por pa shkelur ligjin

Presidentja e Bankës Qendrore Evropiane (BQE), Christine Lagarde, tha sot se udhëheqësit e Bashkimit Evropian do të gjejnë një zgjidhje për ndihmën financiare për Ukrainën, por se kjo duhet të bëhet në përputhje me ligjet e Bashkimit Evropian (BE) dhe theksoi se BQE nuk mund të marrë rolin e një sponsori financiar.

Duke folur me gazetarët në Frankfurt pas takimit të Këshillit Drejtues të BQE-së, Lagarde tha se ishte “e bindur” se krerët e shteteve dhe qeverive që do të takohen në Bruksel do të bien dakord për një mekanizëm huadhënieje për Kievin, por paralajmëroi se nuk mund të pritet që BQE të garantojë marrëveshjen.

“Jam e sigurt se ka zgjidhje që mund të diskutohen dhe interpretime që mund të përpunohen, por nuk është detyrë e bankës qendrore të inkurajojë ose mbështesë një mekanizëm në të cilin do të ftoheshim dhe planifikoheshim paraprakisht për të shkelur nenin 123 të Traktatit”, tha Lagarde, siç raporton Politiko.