Operacioni antidrogë në Stamboll përshkallëzohet në dhunë - vritet një polic, një sulmues i eliminuar

Një operacion kundër narkotikëve në lagjen “Çekmekoy” të Stambollit u përshkallëzua në dhunë të hënën në mëngjes, duke çuar në një shkëmbim zjarri mes policisë dhe personave të armatosur brenda një shtëpie.

Sipas mediave të huaja, gjatë bastisjes në rrugën “Adnan Kahveci”, autorët hapën zjarr ndaj forcave të sigurisë.

Si pasojë, oficeri i Operacioneve Speciale, Emre Albayrak, u plagos rëndë dhe u dërgua menjëherë në spital.

Dhe pavarësisht ndërhyrjeve mjekësore, ai nuk mundi të shpëtohej dhe u shpall i rënë në detyrë.

ëstanbul Çekmeköy'de narkotik operasyonunda polise ateë açëldë.

Bir Özel Hareket polisi yaralanërken saldërganlardan biri öldürüldü. Diëer 2 saldërgan saë olarak yakalandë. pic.twitter.com/ZM7jZmlaVb

— Asayië Berkemal (@asayisberkemal0) December 8, 2025

Në përleshje, personi i identifikuar si R.A. u vra nga forcat e sigurisë. Dy të dyshuar të tjerë, Ç.A. dhe C.A., u kapën të gjallë gjatë operacionit.

Zyra e Guvernatorit të Stambollit konfirmoi ngjarjen dhe humbjen e oficerit Albayrak.

Autoritetet theksuan se operacionet kundër narkotikëve do të vazhdojnë pa ndërprerje. /Telegrafi