Kina dhe SHBA-ja do të zhvillojnë bisedime në Malajzi

Ministria e Tregtisë e Kinës njoftoi të enjten se zëvendëskryeministri He Lifeng do të udhëheqë një delegacion në Malajzi nga e premtja deri të hënën për të zhvilluar bisedime tregtare me Shtetet e Bashkuara të Amerikës.

Bisedimet pritet të hedhin themelet për një takim javën e ardhshme mes presidentit të SHBA-së Donald Trump dhe udhëheqësit kinez Xi Jinping në margjinat e samitit të Bashkëpunimit Ekonomik Azi-Paqësor (APEC) në Korenë e Jugut, shkruan AP.

Sekretari i Thesarit i SHBA-së, Scott Bessent, ka thënë se delegacionet e udhëhequra prej tij dhe zëvendëskryeministrit kinez do të takohen në Malajzi, ndoshta të shtunën.