Trumpi pritet ta vizitojë Izraelin të hënën

Presidenti i SHBA-së, Donald Trump, pritet ta vizitojë Izraelin të hënën, tha policia e Izraelit në një deklaratë ku përshkruheshin masat e sigurisë që do të zbatohen gjatë udhëtimit.

Mijëra oficerë policie, personel i Policisë Kufitare dhe vullnetarë do të vendosen, ndërsa Trump viziton vendin, tha njësia e zëdhënësit të policisë.

Rrugët do të mbyllen dhe avionëve, duke përfshirë dronët, do t’u ndalohet të fluturojnë mbi aeroportin “Ben Gurion” dhe Jerusalemin.

Trumpi tha dje se do të “përpiqej të bënte një udhëtim” në rajon për të shënuar lirimin e pengjeve të mbajtura në Gazë, gjë që ai tha se do të ndodhte të hënën ose të martën. /abcnews