Çmimi i arit kaloi 4 000 dollarë për herë të parë për shkak të situatës në SHBA

Çmimi i arit tejkaloi nivelin prej 4.000 dollarësh për ons për herë të parë, i nxitur nga shqetësimet e investitorëve për përkeqësimin e situatës fiskale në Shtetet e Bashkuara dhe mbylljen e përkohshme të qeverisë amerikane, raportoi Bloomberg.

Ari arriti sot në 4.010.84 dollarë për ons, duke u rritur me 0.7 për qind, dhe u tregtua për herë të fundit me 4,009.75 dollarë në orën 10:56 të mëngjesit sipas kohës së Singaporit.

Kjo rritje e çmimit erdhi pas një rritjeje disamujore, gjatë së cilës çmimi i arit u rrit me më shumë se 50 për qind që nga fillimi i vitit.

Ekspertët thonë se faktorët kryesorë që qëndrojnë pas rritjes janë pasiguria tregtare globale, shqetësimet në lidhje me pavarësinë e Rezervës Federale, dobësia në politikën fiskale të SHBA-së dhe tensionet e larta gjeopolitike.

“Ky tejkalim i nivelit prej 4,000 dollarësh nuk është vetëm rezultat i frikës, por edhe i rishpërndarjes së kapitalit. Në një kohë kur të dhënat ekonomike tregojnë ngecje dhe Rezerva Federale sinjalizon një ulje të normave të interesit, rendimentet reale po bien, ndërsa tregjet e aksioneve, veçanërisht në sektorin e inteligjencës artificiale, duken të mbifryra”, tha Charu Chanana, strateg në “Saxo Capital Markets”. /euronews