Von der Leyen shqyrton mundësinë e rrëzimit të një aeroplani rus, që hyn në hapësirën ajrore të NATO-s

Presidentja e Komisionit Evropian, Ursula von der Leyen, nuk e ka përjashtuar mundësinë që aeroplanët rusë që hyjnë në mënyrë të papërgjegjshme në hapësirën ajrore të shteteve evropiane, mund të rrëzohen.

Këto komente ajo i bëri gjatë një interviste dhënë për CNN.

"Mendimi im është se ne duhet të mbrojmë çdo centimetër katror të territorit, dhe kjo do të thotë se nëse ka një ndërhyrje në hapësirën ajrore, pas paralajmërimit, pasi të jemi shumë të qartë, sigurisht, mundësia e rrëzimit të një aeroplani luftarak që po ndërhyn në hapësirën tonë ajrore është në diskutim", tha Von der Leyen.

Më 19 shtator, tre aeroplanë luftarakë rusë MiG-31 hynë në hapësirën ajrore të Estonisë mbi Gjirin e Finlandës pa leje, dhe qëndruan atje për një total prej 12 minutash.

Presidenti i SHBA-së, Donald Trump, beson se NATO duhet të rrëzojë aeroplanët rusë që shkelin hapësirën e saj ajrore.

Sekretari i Përgjithshëm i NATO-s, Mark Rutte, tha se NATO do të përcaktojë nëse do të përdorë forcë kundër avionëve rusë ose dronëve që shkelin hapësirën e saj ajrore, bazuar në inteligjencën në kohë reale rreth nivelit të kërcënimit që ata mund të paraqesin. /Telegrafi