Gruaja e Charlie Kirkut thotë se e fal të dyshuarin për vrasjen e burrit të saj
Në një fjalim emocional përkujtimor në Glendale, Arizona, e veja e aktivistit të krahut të djathtë Charlie Kirk tha se e fal të dyshuarin, që akohet për vrasjen e burrit të saj.
“Burri im donte të shpëtonte të rinj, njësoj si ai që i mori jetën”, tha Erika Kirk para një stadiumi të mbushur plot me njerëzit që kishin ardhur në përkujtim.
“E fal këtë burrë, këtë të ri. E fal sepse kjo ishte ajo që bëri Krishti dhe sepse kjo ishte ajo që do të bënte Charlie”, tha Kirku.
Turma në stadium u ngrit më pas në këmbë dhe duartrokiti, transmeton Klankosova.tv.
Prokurorët kanë akuzuar 22-vjeçarin Tyler Robinson për vrasjen e Charlie Kirkut më 10 shtator në universitetin “Utah Valley” (UVU).
Robinsoni, i cili është nga Utah, mund të përballet me dënimin me vdekje nëse dënohet.
