Bolsonaro dënohet me 27 vjet burgim për komplot të një grusht shteti në Brazil

Ish-presidenti i Brazilit, Jair Bolsonaro, është dënuar me 27 vjet e tre muaj burgim pasi u shpall fajtor për komplotimin e një grushti shteti ushtarak.

Një panel prej pesë gjyqtarësh të Gjykatës së Lartë e dha dënimin vetëm disa orë pasi e kishin dënuar ish-udhëheqësin.

Ata vendosën se ai ishte fajtor për udhëheqjen e një komploti që synonte ta mbante në pushtet pasi humbi zgjedhjet e vitit 2022 ndaj rivalit të tij të krahut të majtë, Luiz Inácio Lula da Silva, raporton BBC, transmeton Klankosova.tv.

Katër nga gjyqtarët e shpallën fajtor, ndërsa njëri votoi për ta liruar nga akuzat. Avokatët e Bolsonaros e kanë quajtur dënimin “absurdisht të tepruar” dhe thanë se do të paraqisnin “ankesat e duhura”.