Izraeli lëshon satelitin e ri spiun për mbikëqyrjen e rajonit

Agjencia Hapësinore e Izraelit realizoi me sukses lëshimin e satelitit më të ri vëzhgues-spiun Ofek-19, aftësitë e të cilit mbeten sekret shtetëror, ndërsa Izraeli pohon se ai është më i avancuari i gjeneratës së tij.

Një numër i madh i incizimeve kanë dokumentuar lëshimin e mbrëmshëm të satelitit, duke u raportuar fillimisht se bëhej fjalë për një raketë ndërprerëse e nisur nga baza ajrore Palmachim.

Megjithatë, Ministria e Mbrojtjes dha shpejt një deklaratë duke sqaruar se gjurma në qiell ishte në fakt lëshuimi i suksesshëm i satelitit zbulues Ofek-19.

The Israeli Ministry of Defense, in coordination with the Israel Defense Force (IDF), Israel Space Agency (ISA) and Israel Aerospace Industries (IAI), has announced the successful launch tonight of the “Ofek 19” Surveillance Satellite from Palmachim Airbase and Spaceport in… pic.twitter.com/bqzBViYA6R

— OSINTdefender (@sentdefender) September 2, 2025

Satelitët spiun të gjeneratës Ofek janë zhvilluar që nga fundi i viteve ’80 si një hap i madh teknologjik i Izraelit për mbikëqyrjen e rajonit në kohë reale.

Këta satelitë përdoren për të skanuar dhe monitoruar terrenin me saktësi të lartë në kohë reale, që sipas burimeve izraelite arrin deri në kapjen e imazheve me rezolucion më të lartë se 10 centimetra nga toka.

Hedhja e fundit e një sateliti nga gjenerata Ofek ishte në mars të vitit 2023, kur u hodh në orbitë sateliti Ofek-13. Sipas disa burimeve, hedhja e Ofek-19 është përshpejtuar pas luftës 12-ditore me Iranin.

Zhvillimi dhe vendosja në orbitë e këtyre satelitëve spiun i siguron Izraelit një nivel të inteligjencës dhe ndërgjegjësimit strategjik që nuk e posedojnë shtetet e tjera në rajon, ndaj Agjencia Hapësinore Izraelite ka mjete të mëdha financiare për të avancuar aftësitë e saj. /Telegrafi