Zelensky të enjten në Paris, diskuton me udhëheqësit europianë garancitë e sigurisë
Presidenti ukrainas Volodymyr Zelenskyy do të takohet me udhëheqësit evropianë në Paris në formatin e të ashtuquajturit “Koalicion i të Gatshmëve” për të diskutuar garancitë e sigurisë për Ukrainën , konfirmoi një ndihmës i lartë i presidentit.
Duke shkruar në X, Mykhailo Podolyak konfirmoi se Zelenskyy do të takohet me kancelarin gjerman Friedrich Merz , kryeministrin e Mbretërisë së Bashkuar Keir Starmer , Ursula von der Leyen të BE-së dhe Mark Rutte të NATO-s.
Podolyak tha se takimi ishte menduar si “një sinkronizim i orëve” gjatë diskutimeve intensive mbi garancitë e sigurisë në Ukrainë”.
“Janë dy procese paralele në zhvillim e sipër. E para është një përpjekje situative për të ndaluar luftën , me Shtetet e Bashkuara dhe personalisht Donald Trump që luajnë rolin kryesor.
E dyta është ndërtimi i arkitekturës së Evropës pas luftës. Evropa i njeh dobësitë e veta. Evropianëve u mungojnë armët dhe nuk mund të vendosin sanksione efektive ndaj Indisë dhe Kinës pa Shtetet e Bashkuara.
Por Bashkimi Evropian ka marrë përsipër detyrën e përmbajtjes ushtarake të Rusisë, bazuar në Forcat e Armatosura të Ukrainës, teknologjitë ukrainase të raketave dhe dronëve, dhe ndoshta pjesëmarrjen e një kontingjenti evropian.
Ukraina luan një rol aktiv moderues në këto procese. Komunikimi i vazhdueshëm i përditshëm me partnerët synon të sigurojë sigurinë globale dhe kontinentale”, tha ai.
