JD Vance tha se është i gatshëm të marrë postin e presidentit, fillojnë thashethemet se Trump ka ndërruar jetë

Internetin e kanë përmbytur spekulimet për vdekjen e presidentit amerikan, Donald Trump, pasi përdoruesit e rrjetit social X kanë filluar të shtrojnë pyetje për mungesën e tij në publik gjatë ditëve të fundit, si dhe për pretendimet se ai nuk është në gjendje të mirë shëndetësore.

Tema mori edhe më shumë rëndësi pasi përdoruesit e X-it vunë re një mavijosje të madhe që është shfaqur sërish në dorën e djathtë të Trumpit, ndërsa zëvendëspresidenti i SHBA-së, JD Vance, deklaroi se është “gati të jetë president” në rast se 79-vjeçarit i ndodh “ndonjë tragjedi e tmerrshme”.

Sipas raportimeve, lideri amerikan nuk është shfaqur në publik për disa ditë, që nga data 25 gusht.

Donald Trump hasn’t been seen in public since Tuesday and has no events scheduled all weekend.

Where is he? Who’s running the country? pic.twitter.com/ChcUJUv6cb

— Republicans against Trump (@RpsAgainstTrump) August 30, 2025

Situata u bë edhe më dyshuese për përdoruesit e X-it pasi disa prej tyre theksuan se presidenti amerikan nuk ka “asnjë takim apo paraqitje publike të planifikuar për dy ditët e ardhshme – 30 dhe 31 gusht”.

Spekulimeve për vdekjen e mundshme të Trumpit iu shtua edhe një element tjetër: një rritje e ndjeshme e porosive për pica në afërsi të Pentagonit, raporton cnbc.

Teoria e ashtuquajtur “Pentagon pizza” supozon se një numër i shtuar porosish për pica pranë selisë së Pentagonit është shenjë se atje po zhvillohen ngjarje shumë të rëndësishme apo krize.

Ideja është se kur punonjësit e Pentagonit janë aq të zënë sa nuk mund të largohen nga vendi i punës për të ngrënë, ata porosisin ushqim të shpejtë, zakonisht pica.

Historikisht, një rritje e tillë e porosive për pica është vërejtur menjëherë para ngjarjeve të mëdha ushtarake, si për shembull para Luftës së Gjirit në vitin 1990, ndërhyrjes ushtarake gjatë procesit të shkarkimit të ish-presidentit Bill Clinton në vitin 1998, dhe së fundmi gjatë përplasjes mes Iranit dhe Izraelit në vitin 2024.

Shtetet e Bashkuara kanë regjistruar gjithashtu një rritje të madhe të kërkimeve në internet lidhur me vdekjen e Trumpit gjatë 24 orëve të fundit.

Duke i lidhur të gjitha “pikat e supozuara”, përdoruesit e rrjetit X kanë mbushur platformën me shaka dhe meme. Disa prej tyre kanë komentuar për lajmet mbi gjendjen e shëndetit, por kanë konsideruar teoritë për vdekjen e tij si të tepruara.

Nga ana tjetër, Shtëpia e Bardhë deri më tani nuk ka komentuar zyrtarisht asnjë nga këto spekulime në rrjetet sociale.

Pavarësisht “mungesës së një deklarate zyrtare”, është e rëndësishme të theksohet se Trump është mjaft aktiv në platformën Truth Social dhe ka postuar gjatë natës. Raportet për mavijosjen e madhe në dorën e tij të djathtë janë komentuar edhe nga mjeku i tij, Sean Barbabella.

“Kjo është në përputhje me një irritim të vogël të indeve të buta për shkak të shtrëngimeve të shpeshta të duarve dhe përdorimit të aspirinës, që merret si pjesë e parandalimit standard kardiovaskular”, tha Barbabella. Ai shtoi gjithashtu se presidenti është në gjendje “të shkëlqyer mendore dhe fizike”. /Telegrafi/