Mbretëria e Bashkuar ia jep dritën jeshile Centralit Bërthamor për 45 miliardë euro

Qeveria britanike ka dhënë miratimin përfundimtar për një central bërthamor prej 38 miliardë funtesh (rreth 45 miliardë euro) në Anglinë Lindore.

Projekti Sizewell C në Suffolk do të financohet bashkërisht nga fondi kanadez i pensioneve La Caisse, firma britanike e energjisë Centrica dhe Amber Infrastructure, shkruajnë mediat britanike.

Autoritetet kanë thënë se Sizewell C do të ofrojë energji të pastër për ekuivalentin e gjashtë milionë shtëpive, si dhe do të mbështesë 10,000 vende pune dhe do të krijojë 1,500 vende pune sapo të jetë funksional, gjë që pritet të jetë në vitet 2030.

Qeveria do të jetë aksionari më i madh në projekt me një pjesëmarrje prej 44.9%. La Caisse do të mbajë një pjesëmarrje prej 20%, Centrica 15% dhe Amber Infrastructure do të marrë një pjesëmarrje fillestare prej 7.6%.

Sipas tij, është koha për të bërë gjëra të mëdha dhe për të ndërtuar projekte të mëdha përsëri në këtë vend – dhe sot ne njoftojmë një investim që do të sigurojë energji të pastër dhe vendase për miliona shtëpi për brezat që do të vijnë”.

“Kjo qeveri po bën investimin e nevojshëm për të ofruar një epokë të re të artë të energjisë bërthamore, në mënyrë që të mund t’u japim fund vonesave dhe të çlirohemi nga shkatërrimet e tregjeve globale të karburanteve fosile për të ulur faturat përgjithmonë”.