Ministri i Punëve të Jashtme të Bosnjë dhe Hercegovinës: Dodiku është një i çmendur dhe terrorist

Kryetarja e OSBE-së, ministrja e Jashtme finlandeze, Elina Valtonen, po qëndron në një vizitë zyrtare në Bosnjë e Hercegovinë, ku do të takohet me zyrtarë të lartë për të diskutuar çështjet e sigurisë në vend dhe në rajon.

Valtonen tashmë është takuar me ministrin e Punëve të Jashtme të Bosnjë e Hercegovinës, Elmedin Konakoviq dhe pas takimit ata ki janë drejtuar mediave.

Ky i fundit para zyrtares së OSBE-së tha se dialogu me presidentin e etnitetit të RS-së në BeH është i pamundur. Kjo pasi, sipas tij, nuk bëhet dot dialog me të çmendurit dhe terroristët.  

“Kur flasim për dialogun në BeH, nuk e di pse të gjithë mendojnë për dialogun me Dodikun. Jam plotësisht dakord që duhet dialog, por jo me të çmendurit dhe terroristët. Dodik është një i çmendur dhe terrorist, Dodik është një njeri që sulmoi njerëzit e tij që nuk mendojnë si ai, që kërcënon policët dhe punonjësit e institucioneve shtetërore, që kërcënon me burg ata që nuk ndjekin politikat e tij skizofrenike dhe që do t’i botojë dhe shtypë emrat e tyre”.

Megjithatë Konakoviqi garantoi popullin boshnjak se nuk kanë arsye të frikësohen.

“Dodik tha se do të merrte kontrollin e kufijve të BeH përmes policisë kufitare dhe se do të merrte përsipër marrëveshjet ndërkombëtare me Serbinë dhe Kroacinë, i vetmi vend ku ai mund të mund të merrte kufijtë është një pjesë e Serbisë. Çfarë po u thotë ai ndjekësve të tij dhe a mendon vërtet dikush se është një skenar i mundshëm? Të vendosësh që ai të marrë kontrollin e kufirit është një skenar i çmendur dhe skizofren për të kontrolluar se si ata hyjnë në vend”, tha Elmedin Konakoviç, Ministër i Punëve të Jashtme të Bosnjë dhe Hercegovinës. /RadioSarajevo