Scholzi pranon humbjen
Kancelari gjerman Olaf Scholz ka pranuar humbjen e partisë së tij, Socialdemokratëve (SPD), në zgjedhjet e së dielës, duke i quajtur rezultatet “të hidhura” dhe një “dështim”.
Sipas sondazheve fillestare, SPD ka dalë e treta me 16-16.5% të votave. Duke folur me mbështetësit në Berlin, Scholz tha se partia duhet ta pranojë humbjen, ndërsa pranoi përgjegjësinë për rezultatin e dobët.
Zgjedhjet janë fituar nga blloku konservator CDU/CSU, i udhëhequr nga Friedrich Merz, me 28.5-29% të votave. Ndërkohë, partia e ekstremit të djathtë, Alternativa për Gjermaninë (AfD), është renditur e dyta me 19.5-20% të votave, duke dyfishuar mbështetjen krahasuar me zgjedhjet e vitit 2021.
Scholz ka uruar Merz për fitoren, ndërsa rezultati i AfD ka shkaktuar shqetësime në skenën politike gjermane.
