Ish-kancelari gjerman Schröder në spital, zbulohet gjendja e tij

Ish-kancelari Gerhard Schröder (SPD) ka hyrë në trajtimin klinik.

Sipas informacioneve, mjeku i tij ka vërtetuar se 80-vjeçari kishte një “sindromë tipike me shenja rraskapitjeje të thellë dhe mungesë të theksuar energjie”.

Siç theksojnë mediat, bëhet fjalë për një gjendje të lodhjes fizike, emocionale dhe mendore e shkaktuar nga stresi kronik.

Ish-kancelari thuhet se vuan gjithashtu nga “vështirësi të përqendrimit dhe kujtesës, si dhe çrregullime të gjumit”.

Përmes avokatit të tyre, familja Schröder i kërkoi shprehimisht publikut të respektonte privatësinë e tij.

Sipas informacioneve të agjencisë gjermane të shtypit, shoqëruesit e ish-kancelarit prej disa kohësh janë të shqetësuar për 80-vjeçarin.

Sipas raportit, politikani i SPD-së duket të jetë gjithnjë e më i stresuar dhe jo më “i shkathët” sa ishte në ditëlindjen e tij të fundit.

Schröderi do të jetë 81 vjeç në prill. /Telegrafi