Aksident i frikshëm në Francë: Përplasen dy tramvajë në Strasburg, dhjetëra të plagosur
Bota
January 12, 2025 - 13:17
Të paktën 50 persona janë lënduar pasi dy tramvajë u përplasën në një aksident të tmerrshëm në Francë.
Një operacion i madh shpëtimi është duke u zhvilluar pasi automjetet u përplasën në tunelin e stacionit të Strasburgut pasditen e së shtunës, sipas mediave lokale.
Mediat raportojnë se pesë persona janë në gjendje kritike për jetën.
Pamjet në mediat sociale tregojnë pasagjerë që thyejnë dyert për të nxjerrë të lënduarit nga vagonët, ndërsa tymi mbulon stacionin nëntokësor.
Shërbimi i Zjarrfikësve dhe Shpëtimit të rajonit Bas-Rhin kërkoi që të shmanget zona për të lehtësuar aksesin për shërbimet e urgjencës.
#Tram ACCIDENT SECTEUR GARE : LIGNES A, D IMPORTANTES PERTURBATIONS - INTERRUPTION ENTRE PARC DES SPORTS / POTERIES ET LANGSTROSS..
— CTS_Infos trafic (@CTS_Infostrafic) January 11, 2025
