Detaje të reja rreth vrasjeve në Mal të Zi – disa viktima janë anëtarë të familjes së të dyshuarit që kreu krimin

Të paktën shtatë persona, duke përfshirë edhe dy fëmijë, janë vrarë në Cetinje të Malit të Zi ndërsa policia është në kërkim të dyshuarit, Aco Martinoviq.

Ministri i Punëve të Brendshme, Danilo Saranoviq, njoftoi se janë vrarë pronari i lokalit të gastronomisë “Velestovo” dhe disa anëtarë të familjes së tij.

Saranoviq shtoi gjithashtu se ndër viktimat janë edhe anëtarët e familjes së Aco Martinoviqit, i dyshuari për kryerjen e vrasjeve, shkruan vijesti.me.

“Të gjitha kapacitetet në dispozicion të Drejtorisë së Policisë, nën drejtimin e drejtorit të saj, ndodhen në Cetinje me qëllim të arrestimit të të dyshuarit për këto vrasje. Shumë persona kanë humbur jetën, përfshirë pronarin e lokalit dhe disa anëtarë të familjes së tij, si dhe anëtarë të familjes së të dyshuarit për kryerjen e vrasjeve”, deklaroi Saranoviq.

Ndërkohë, qeveria malazeze ka shpallur tre ditë zie dhe u ka shpreh ngushëllime familjeve të viktimave dhe të plagosurve.

Ndryshe, policia gjithashtu u ka bërë thirrje qytetarëve të mos dalin në rrugë pasi i dyshuari është i armatosur. /Telegrafi/