Presidenti i Kilit e quan Netanyahun kriminel lufte

Presidenti kilian Gabriel Boriç e ka cilësuar Netanyahun një kriminel lufte për “barbarinë” e veprimeve të tij në Gazë dhe Bregun Perëndimor të pushtuar.

“Ajo që Benjamin Netanyahu ka bërë është një krim lufte, një krim kundër njerëzimit,” tha Boriç në një ngjarje Krishtlindjesh për palestinezët në Kili të mbajtur në Santiago të mërkurën.

“Ne jemi thellësisht të dhembur dhe të tronditur jo vetëm nga ajo që po ndodh në Gaza, por edhe nga ngjarjet në Bregun Perëndimor”, shtoi ai, duke iu referuar kolonëve dhe ushtarëve izraelitë në Bregun Perëndimor të pushtuar që sulmojnë palestinezët atje.

“Nuk ka vend për gjysmë masa në mbrojtjen e njerëzimit”, tha ai, duke bërë thirrje për përpjekje të reja drejt paqes. “Ne jemi mbledhur këtu sot për të mbrojtur njerëzimin”.

Kili është shtëpia e rreth gjysmë milioni njerëzve me origjinë palestineze. /abcnews