Zelensky: Kam folur me Austin për mbrojtjen ajrore të Ukrainës

Presidenti ukrainas Volodymyr Zelensky tha se në Kiev ka biseduar me ministrin amerikan të Mbrojtjes Lloyd Austin për mbrojtjen ajrore të Ukrainës dhe sulmet thellë brenda territorit rus.

Zelensky shkroi në Platformën X se ai diskutoi gjithashtu përpjekjet për të rritur prodhimin e dronëve ushtarakë, raketave të lundrimit, predhave artilerie dhe sistemeve të mbrojtjes ajrore me Austin, shkruan Reuters

Presidenti ukrainas tha se Austin ndau me të planet për të thirrur takimin e radhës të aleatëve kryesorë të Ukrainës në Ramstein, Gjermani, pasi një mbledhje e tillë e planifikuar për tetor u shty pasi presidenti amerikan Joe Biden anuloi pjesëmarrjen e tij.

Austin tha gjatë vizitës së tij në Kiev se SHBA do të dërgojë një paketë të re ndihme ushtarake në Ukrainë në shumën prej 400 milionë dollarësh (368 milionë euro).

Ai theksoi në bisedën me Zelenskyn se paketa përfshin municion shtesë, automjete të blinduara dhe armë antitank./abcnews