Vdes ish-kryeministri i Skocisë
Ish-kryeministri skocez Alex Salmond, i cili ndihmoi në ndryshimin e kursit të politikës skoceze dhe e shtyu Skocinë në prag të pavarësisë nga Mbretëria e Bashkuar, vdiq të shtunën në moshën 69 vjeçare.
Salmond i cili udhëhoqi vendin midis 2007 dhe 2014, u sëmur gjatë pjesëmarrjes në një konferencë ndërkombëtare në Maqedoninë e Veriut.
Qeveria e Maqedonisë së Veriut tha se Salmond kishte humbur ndjenjat në hotelin Inex Olgica, afër qytetit të Ohrit, rreth orës 15:30 sipas kohën lokale të së shtunës.
Mediat lokale raportojnë se ai u rrëzua gjatë një dreke dhe u shpall i vdekur në vendngjarje. Partia Alba, të cilën ai e drejtoi, besojnë se shkaku i vdekjes është një atak në zemër, sipas agjencisë së lajmeve Press Association.
Salmond, i cili drejtoi qeverinë e transferuar skoceze për shtatë vjet nga viti 2007, vlerësohet se ndihmoi në rritjen e mbështetjes për pavarësinë skoceze gjatë një referendumi të vitit 2014, në të cilin skocezët votuan 55%-45% në favor të qëndrimit në Mbretërinë e Bashkuar.
Udhëheqësit nga të gjithë krahët politikë të Mbretërisë së Bashkuar i bënë homazhe Salmondit, i cili ishte një debatues i frikshëm që udhëhoqi Partinë Kombëtare Skoceze (SNP) nga viti 1990 deri në vitin 2000 dhe përsëri nga 2004 deri më 2014.
"Për më shumë se 30 vjet, Alex Salmond ishte një figurë monumentale e politikës skoceze dhe MB.
Ai la pas një trashëgimi të qëndrueshme," ka deklaruar kryeministri britanik Keir Starmer. Pasi ndryshimet kushtetuese rithemeluan një Parlament skocez në 1999, Salmond mbikëqyri transformimin e Partisë Kombëtare Skoceze nga një numër i vogël ligjvënësish në parlamentin e Londrës në forcën politike dominuese në Skoci. /Rtk
