Papa dënon vrasjen e aktivistit të mjedisit në Honduras

Papa Françesku dënoi të dielën vrasjen javën e kaluar të një aktivisti të mjedisit në Honduras, i cili kishte protestuar për projektet e minierave në përpjekje për të mbrojtur pyjet tropikale dhe lumenjtë.

Juan Lopez u qëllua për vdekje nga disa burra teksa po kthehej në shtëpi me makinën e tij nga kisha, tha një zyrtar për Reuters, duke folur në kushte anonimiteti.

Lopez i përkiste Komitetit Komunal për Mbrojtjen e Mallrave të Përbashkëta dhe Publike, një organizatë mjedisore në qytetin Tocoa afër bregut të Atlantikut të vendit dhe ishte gjithashtu një anëtar aktiv i kishës lokale.

“Unë qëndroj me ata që shohin të drejtat e tyre themelore të shkelura dhe me ata që veprojnë për të mirën e përbashkët në përgjigje të thirrjeve të të varfërve të tokës,” shtoi ai.

Papa ka folur vazhdimisht për çështjet mjedisore, duke u kërkuar njerëzve të bëjnë më shumë për ta mbrojtur atë.