Disa të vdekur pas tentativës për kalimin e Kanalit – thonë zyrtarë francezë

Disa njerëz vdiqën gjatë natës ndërsa përpiqeshin të kalonin Kanalin nga Franca në Angli, sipas zyrtarëve francezë.

“Disa emigrantë humbën jetën,” tha prefektura Pas-de-Calais për agjencinë e lajmeve AFP, pa specifikuar numrin e viktimave.

Incidenti vjen më shumë se një javë pasi 12 persona, përfshirë gjashtë fëmijë dhe një grua shtatzënë, vdiqën kur një varkë me dhjetëra emigrantë u mbyt në brigjet franceze, raporton BBC.

Incidenti i 3 shtatorit ishte humbja më vdekjeprurëse e jetës në Kanal këtë vit.

Autoritetet detare franceze thanë të shtunën se 200 njerëz u shpëtuan në një periudhë 24-orëshe gjatë të premtes dhe të shtunës.