![Tre të vrarë nga të shtënat në një shkollë në Bosnjë e Hercegovinë](/uploads/zeri.info/images/2024/August/21/auto_01000000-0aff-0242-7675-08dcc1c55ea5_w1023_r1_s1724234766.avif)
Tre të vrarë nga të shtënat në një shkollë në Bosnjë e Hercegovinë
Bota
August 21, 2024 - 12:05
Një person i armatosur vrau tre persona dhe plagosi rëndë një tjetër në një gjimnaz në Sanski Most, në veriperëndim të Bosnjë e Hercegovinës.
Sulmuesi qëlloi tre punonjës të shkollës me një pushkë automatike.
Në mesin e të vrarëve është edhe drejtori i shkollës, konfirmoi për Radion Evropa e Lirë policia në kantonin Una-Sana.
Sipas policisë, sulmuesi tentoi të bënte vetëvrasje, por u plagos rëndë dhe u transferua në Qendrën Klnike Universitare në Banja Llukë.
I dyshuari është punëtor i një shkolle të mesme në Sanski Most. /REL