Hillary Clinton kërkon mbledhje të fondeve për fushatën e Harrisit, Trumpin e quan kriminel
Ish-sekretarja Amerikane e Shtetit Hillary Clinton, përmes një thirrjeje kërkoi mbledhjen e fondeve për fushatën e zëvendëspresidentes të ShBA-së Kamala Harris.
76-vjeçarja u kërkoi mbështetësve që të bëhen pjesë e kësaj fushate që ajo e quajti historike, ndërsa ish-presidentit amerikan Donald Trump iu referua si kriminel, raporton Klankosova.tv.
“Unë e njoh Kamala Harris për një kohë të gjatë. Ky prokuror i shkëlqyer do të ngrejë çështjen kundër kriminelit të dënuar Donald Trump dhe axhendën e Projektit 2025 për të hequr liritë tona”, shkroi ajo.
“Por ajo nuk mund ta bëjë vetëm. Bëhuni pjesë e kësaj fushate historike sot”, tha tutje Clinton në X.
Harrisi dhe Clintoni, biseduan të dielën si pjesë e telefonatave që zëvendëspresidentja i bëri për të mbledhur mbështetjen nga udhëheqësit demokratë.
Ish-presidenti amerikan Bill Clinton, dhe gruaja e tij Hillary, e mbështetën 59-vjeçaren, përmes një deklarate të përbashkët, të dielën.
I've known Kamala Harris a long time. This brilliant prosecutor will make the case against convicted felon Donald Trump and the Project 2025 agenda to take away our freedoms.
— Hillary Clinton (@HillaryClinton) July 22, 2024
But she can't do it alone. Become a part of this historic campaign today. https://t.co/WdRfHpTM01 pic.twitter.com/VZk2NHVtwL
