![Boeing: Gati 44.000 aeroplanë do të nevojiten deri më 2043](/uploads/zeri.info/images/2024/July/20/auto_Capture1721486990.png)
Boeing: Gati 44.000 aeroplanë do të nevojiten deri më 2043
Bota
July 20, 2024 - 16:48
Prodhuesi amerikan, Boeing parashikon që industria e aviacionit do të ketë nevojë për gati 44.000 aeroplanë në dy dekadat e ardhshme, sipas një parashikimi afatgjatë.
Boeing pret që numri total i aeroplanëve për pasagjerë dhe mallra do të dyfishohet deri më 2043.
"Udhëtimet janë më të rëndësishme tani sesa para pandemisë së koronavirusit", ka thënë menaxheri i kompanisë, Darren Hulst.
Kërkesa është duke u rritur për shkak se aeroplanët po zëvendësohen më vonë sesa që duhet, për shkak të pengesave në dorëzim.
Si mesatare, ai ka thënë se flota e aeroplanëve është një deri në një vit e gjysmë më e vjetër sesa para pandemisë. /REL