Meloni e hap samitin në Pulia: G7-a nuk është një fortesë e mbyllur

Në fjalën e saj hapëse të tryezës së rrumbullakët në samitin e G7-së, kryeministrja italiane, Giorgia Meloni, thotë se qëllimi i udhëheqjes italiane të G7-ës është t’i jepet një vlerë asaj që i bashkon dhe të jenë në gjendje të dialogojë me të gjithë.

Grupi nuk është një “fortesë e mbyllur në vetvete”, thotë ajo, por përkundrazi një “vend i vlerave” që ne duam t’i “hapim botës”.

Meloni thotë se Pulia – një rajon në bregun juglindor të Italisë – u zgjodh për të pritur samitin pasi përfaqëson dëshirën e tyre për të forcuar marrëdhëniet me jugun global.

Gjatë tri ditëve të ardhshme, thotë ajo, ata kanë plane për të diskutuar luftërat në Ukrainë dhe Lindjen e Mesme, si dhe për të ndërtuar mbi kryesinë e Japonisë të organizatës vitin e kaluar, duke punuar në zinxhirët e furnizimit dhe inteligjencën artificiale.

Meloni falënderon kolegët e saj udhëheqës për pjesëmarrjen në samit, duke thënë se ajo ka “krenarinë e madhe” që mund t’i mirëpresë ata në Pulia, shkruan BBC. /Klankosova