Një i vrarë e një i plagosur nga të shtënat në kampusin e Universitetit të Panamasë

Një person i armatosur i paidentifikuar hapi zjarr ndaj një grupi studentësh në një kampus rural të Universitetit të Panamasë, duke lënë një person të vdekur dhe një të plagosur, sipas rektorit të shkollës, raporton AP.

Rektori i Universitetit Eduardo Flores C. tha përmes platformës sociale X se studentët po bënin punë në terren në qendrën rajonale të shkencave bujqësore të universitetit në Veraguas rreth 250 kilometra në jugperëndim të kryeqytetit kur ndodhën të shtënat.

Ai nuk saktësoi nëse personi i vrarë apo i plagosuri janë studentë. Gjithashtu nuk tha se çfarë ndodhi me sulmuesin.

Një zyrtar i zbatimit të ligjit, i cili kërkoi anonimitetin për të diskutuar një hetim në vazhdim, tha se askush nuk ishte në paraburgim.

Zyra e prokurorit rajonal tha përmes platformës X se po hetonte një vrasje në kampus.

Zëdhënësi i universitetit konfirmoi gjithashtu të shtënat dhe tha se do të jepeshin më shumë informacione.