Tjetër sulm me thikë në Mannheim, këtë herë plagoset një politikan gjerman

Një politikan lokal gjerman, nga partia e krahut të djathtë Alternativa për Gjermaninë (AfD), u plagos në një sulm me thikë në Mannheim të martën vonë.

Incidenti vjen vetëm disa ditë pas një sulmi tjetër me thikë në një demonstratë antiislame, në të cilën u vra një polic.

Kështu raportoi të mërkurën agjencia gjermane e lajmeve dpa.

Sulmuesi me thikë u arrestua menjëherë pas incidentit rreth orës 20:45, të martën, përcjell klankosova.tv.

Dega lokale e AfD tha se politikani i plagosur ndodhet në spital dhe se autori mund të jetë një aktivist radikal i majtë, sipas dpa-së.

Policia lokale nuk pranoi të komentonte dhe zyra lokale e AfD-së nuk iu përgjigj menjëherë një kërkese të Reuters për koment.