Blinkeni mbërrin në Tel Aviv, për t’u takuar me Netanyahun dhe kabinetin izraelit të luftës

Sekretari amerikan i Shtetit Antony Blinken mbërriti në Izrael në orën 9:54 të mëngjesit, sipas orës lokale.

Blinkeni pritet të takohet me kryeministrin izraelit Benjamin Netanyahu dhe kabinetin izraelit të luftës si pjesë e një shtytjeje diplomatike për një armëpushim në Gaza dhe për të penguar një ofensivë izraelite në Rafah.

Ndalesa në Tel Aviv do të mbyllë raundin e gjashtë të diplomacisë së udhëtimeve të Blinken në rajon që nga sulmi i Hamasit në Izrael më 7 tetor.

Udhëtimi i tij përkon me rifillimin e bisedimeve në Doha që synojnë të sigurojnë një marrëveshje për një armëpushim të lidhur me lirimin e pengjeve të mbajtura nga Hamasi, raporton CNN.

Një votim në OKB mbi një rezolutë të Këshillit të Sigurimit të sponsorizuar nga SHBA që bën thirrje për një “armëpushim të menjëhershëm” në konfliktin e Gazës pritet gjithashtu të zhvillohet të premten.