Të mbijetuarit e shpëtimit në Mesdhe thonë se rreth 60 persona vdiqën gjatë udhëtimit nga Libia

Të mbijetuarit e shpëtuar nga një gomone që po shfryhej në Detin Mesdhe kanë raportuar se rreth 60 njerëz që u nisën nga Libia me ta më shumë se një javë më parë vdiqën gjatë udhëtimit, tha të enjten grupi i shpëtimit humanitar, SOS Mediterranee.

Anija e organizatës bamirëse evropiane Ocean Viking pa gomonen me 25 persona në bord të mërkurën. Dy ishin pa ndjenja dhe u evakuuan në ishullin sicilian të Lampedusa, rreth 60 milje në veri, me një helikopter të Rojës Bregdetare italiane për trajtim. 23 të tjerët ishin në gjendje të rëndë, të rraskapitur, të dehidratuar dhe me djegie nga karburanti në bordin e varkës.

Zëdhënësi i SOS Mediterranee, Francesco Creazzo tha se të mbijetuarit ishin të gjithë meshkuj, 12 prej tyre të mitur dhe dy prej tyre ende jo adoleshentë. Ata ishin nga Senegali, Mali dhe Gambia.

Creazzo tha se të mbijetuarit ishin të traumatizuar dhe të paaftë për të dhënë llogari për atë që kishte ndodhur gjatë udhëtimit, duke shtuar se numri i të zhdukurve dhe të vdekurve të supozuar nuk ka gjasa të verifikohet ndonëjherë. Organizatat humanitare shpesh mbështeten në llogaritë e të mbijeturave kur mbledhin së bashku numrin e të vdekurve dhe të zhdukurve në det, që supozohet se kanë vdekur.