I dënuar për vrasjen e dy grave në vitin 1996, ekzekutohet 54-vjeçari amerikan

Një 54=vjeçar amerikan, i cili u dënua me vdekje për vrasjen e dy grave në vitin 1996, u ekzekutua të martën në Florida.

Sipas shtypit, Michael Jacques u ekzekutua me një injeksion vdekjeprurës rreth orës 18:00 në burgun shtetëror Rayford. Ai shprehu pendimin e tij në një mesazh të lëshuar nga një organizatë e banorëve të Floridës që kundërshtojnë dënimin me vdekje.

Ai u dënua me vdekje në vitin 1997 për sulm seksual, përdhunim dhe vrasje të një gruaje që kishte takuar në një bar. Ai u shpall fajtor edhe për vrasjen e një gruaje tjetër, të cilën e takoi gjithashtu në një lokal, në të njëjtën kohë, për të cilën u dënua me burgim të përjetshëm.

Apelimet e avokatëve të tij, të cilët argumentuan se ai ishte i prapambetur mendor për shkak të sindromës së alkoolit fetal, u refuzuan të gjitha, përfshirë apelin e tyre në Gjykatën e Lartë të hënën e kaluar për të pezulluar ekzekutimin.

Ky është ekzekutimi i gjashtë në Florida në vitin 2023 dhe i 19-ti në përgjithësi në SHBA. Të gjitha u bënë duke përdorur injeksione kimike vdekjeprurëse. /abcnews