Zelensky: Sanksionet kundër Rusisë nuk mjaftojnë

Presidenti ukrainas Volodymyr Zelensky tha sot se sanksionet kundër Rusisë nuk janë të mjaftueshme dhe kërkoi veprime të reja kundër “shtetit terrorist”.

“Ne e shohim qartë se cilat drejtime të presionit ndaj Rusisë duhet të forcohen për të parandaluar aftësitë e saj terroriste,” tha Zelensky në një video-mesazhin.

“Sanksionet nuk mjaftojnë. Do të ketë gjithashtu më shumë nga veprimet tona të Ukrainës kundër shtetit terrorist. Për sa kohë që agresioni rus vazhdon, Rusia duhet të ndjejë humbjet e saj”, theksoi ai.

Rusia akuzoi Ukrainën për një sulm të ri raketor në Sevastopol në Krime të shtunën, një ditë pas sulmit në selinë e flotës ruse të Detit të Zi.

Për më tepër, forcat speciale të Ukrainës njoftuan dje se kishin vrarë admiralin e lartë të Moskës në Krime, së bashku me 33 oficerë të tjerë, në një sulm me raketa javën e kaluar në selinë e flotës ruse të Detit të Zi në portin e  Sevastopolit.

Megjithatë, në një foto të publikuar nga Ministria ruse e Mbrojtjes, Sokolov shihet duke marrë pjesë në një konferencë me ministrin e Mbrojtjes Sergei Shoigu dhe admiralë të tjerë të lartë dhe shefa ushtarakë. /abcnews