SHBA-ja vendos sanksione të reja ndaj Rusisë, Kinës dhe Turqisë për zhvillimin e avionëve ushtarakë iranianë

Administrata amerikane vendosi ësot sanksione të reja lidhur me Iranin që synojnë individë dhe subjekte në Iran, Rusi, Kinë dhe Turqi të lidhur me zhvillimin e dronëve dhe avionëve ushtarakë iranianë.

Sanksionet synojnë 7 individë dhe 4 entitete në ato 4 vende për të cilat Uashingtoni thotë se “lehtësuan dërgesat dhe transaksionet financiare” për industrinë e prodhimit të avionëve të Iranit dhe përpjekjet e saj për të ndërtuar dronë (UAV) dhe avionë ushtarakë, njoftoi Departamenti i Thesarit i SHBA.

“Përhapja e vazhdueshme dhe e qëllimshme e UAV-ve iraniane i mundëson Rusisë, përfaqësuesve të saj në Lindjen e Mesme dhe agjentëve të tjerë destabilizues të minojnë stabilitetin global,” tha nënsekretari i Thesarit i SHBA për Terrorizmin dhe Inteligjencën Financiare, Brian Nelson.

Uashingtoni kishte sanksionuar më parë pesë kompani me bazë në Kinë dhe një individ për shitjen dhe transportimin e komponentëve të hapësirës ajrore, duke përfshirë pjesë të përdorura për dron, kompanisë iraniane, sipas departamentit amerikan.

Zyrtarët amerikanë kanë thënë se priten më shumë sanksione kundër Republikës Islamike, edhe pse të dy vendet ranë dakord për një shkëmbim të të burgosurve këtë javë. /abcnews