Kimi arrin në Rusi për bisedime të dyshuara me Putinin për armët
Bota
September 12, 2023 - 08:18
Lideri i Koresë së Veriut, Kim Jong Un, ka arritur në Rusi.
Kimi u largua nga treni i tij në stacionin kufitar të Khasan për të takuar përfaqësuesit rusë të martën në mëngjes, ka raportuar agjencia e lajmeve Reuters, duke cituar një burim të paidentifikuar.
Ajo që dihet deri tani, është se Kimi është pritur me një lloj ceremonie në stacionin kufitar, transmeton Zeri.info.
Destinacioni i tij është qyteti port i Vladivostok, ku presidenti rus Vladimir Putin mbërriti dje për një forum ekonomik.
Kohët e fundit është raportuar se Rusia do të blejë armë nga shteti komunist. /Zëri