Azerbajxhani pretendon se forcat armene hapën zjarr ndaj ushtarëve të tij

Ministria e Mbrojtjes e Azerbajxhanit tha të shtunën se forcat armene kishin hapur zjarr mbi trupat e saj gjatë natës dhe se njësitë e ushtrisë Azerbajxhani kishin marrë “masa hakmarrëse”.

Ministria deklaroi se njësitë e ushtrisë armene hapën zjarr ndaj ushtarëve të Azerbajxhanit në Sadarak, në Nakhchivan verior, një enklavë e Azerbajxhanit që kufizohet me Armeninë, Turqinë dhe Iranin. Ndërkohë, në deklaratën e ministrisë nuk thuhet nëse ka të lënduar.

Armenia dhe Azerbajxhani janë përfshirë në dy luftëra, në vitet 1990 dhe 2020, mbi kontrollin e Nagorno-Karabakut, i cili njihet ndërkombëtarisht si pjesë e territorit azerbajxhanas, por e banuar kryesisht nga armenë. Tensionet janë përshkallëzuar muajt e fundit, me incidente të armatosura që ndodhin rregullisht përgjatë kufirit. /abcnews