Rrëshqitje dheu dhe përmbytje, 8 të vdekur në Itali

Tetë persona kanë humbur jetën nga rrëshqitja e dheut në ishullin italian të pushimeve Ischia, tha në një deklaratë ministri Matteo Salvini.

Rrëshqitjet e shumta të dheut u shkaktuan nga stuhitë e shiut dhe përmbytjet në qytetin e Casamicciola Terme, i cili ndodhet rreth 20 milje larg brigjeve të Napolit.

Shumë njerëz besohet të jenë të zhdukur pasi reshjet e dendura të shiut shkatërruan të paktën 10 ndërtesa në ishull, njoftoi agjencia italiane e lajmeve ANSA. /abcnews