Zelensky “nuk ka dyshime” se raketa që goditi Poloninë “nuk ishte ukrainase”

Presidenti ukrainas, Volodymyr Zelensky, ka thënë se nuk ka “nuk ka dyshim” se raketa që shkaktoi një shpërthim në Poloni “nuk ishte ukrainase”, raporton agjencia e lajmeve Interfax.

Sips Sky News, Zelensky shtoi se Ukraina “duhet të ketë qasje” në vendin e shpërthimit, ku dy persona vdiqën dhe katër u plagosën.

Komenti i tij vjen pasi Polonia dhe NATO thanë se vendi ishte “ndoshta” i goditur nga një raketë e mbrojtjes ajrore ukrainase – por nuk ka “asnjë tregues” se ishte një sulm i qëllimshëm.

Megjithatë, kryeministri polak tha në orën e fundit se “nuk mund të përjashtojë” se sulmi – katër milje nga kufiri ukrainas – ishte një “provokim”.

Kryeministri polak Mateusz Morawiecki tha: “Ne nuk mund të përjashtojmë që bombardimi i infrastrukturës ukrainase pranë kufirit ishte një provokim i qëllimshëm i bërë me shpresën se mund të lindte një situatë e tillë”. /Telegrafi