Qeni e pret për ditë të tëra pronarin para spitalit në Turqi
Një qen i përkushtuar ka kaluar disa ditë duke pritur jashtë një spitali në Turqi, ku pronari i saj i sëmurë po trajtohej.
Kafsha shtëpiake Boncuk, që do të thotë “rruaza”, e përcolli ambulancën që e transportoi pronarin e saj, Cemal Senturk, në spital në qytetin Trabzon të Detit të Zi më 14 janar.
Ajo më pas e vizitoi spitalin çdo ditë, ka raportuar agjencia private e lajmeve DHA, transmeton “Zeri.info”.
E vija e Senturkut, Aynur Egeli, tha se vazhdimisht e kthente qenin në shtëpi, por Boncuku kthehej me vrap te spitali.
Një punëtor sigurimi i spitalit, Muhammet Akdeniz, tha për DHA-në: “Qeni vjen çdo ditë rreth orës 9:00 të mëngjesit dhe pret deri në mbrëmje. Nuk hyn brenda. Kur hapet dera, ai e fut kokën për të parë brenda spitalit”.
Të mërkurën Boncuku më në fund u ribashkua me Senturkun kur ai doli jashtë me një karrocë.
“Është mësuar me mua. Edhe mua më mungon shumë, vazhdimisht”, tha ai për DHA-në.
Senturku u lirua nga spitali të mërkurën dhe u kthye në shtëpi me Boncukun. /Zëri
