Presidenti kinez shfaqet në publik pas një kohe të gjatë, nuk i shpëton kontrollit për virus

Presidenti i Kinës, Xi Jinping, e ka bërë paraqitjen e parë publike pas disa javëve pas vendimit të qeverisë për ta lejuar fillimin e punës pas pushimit të gjatë zyrtarë shkaku i përhapjes së koronavirusit.

Kreu i shtetit kinez, i cili nuk është parë në publik gjatë ditëve të përhapjes së virusit të rrezikshëm, e vizitoi një lagje në Pekin. Atij iu mat temperatura e trupit nga një punëtore shëndetësore dhe më pas u përshëndet me banorët dhe punëtorët e distriktit Chaoyang.

Një ekip i ekspertëve të Organizatës Botërore të Shëndetësisë ka shkuar në Kinë për të ofruar ndihmë në lidhje me luftimin e përhapjes së koronavirusit, nga i cili tashmë janë infektuar më shumë se 40 mijë persona në nivel global.

Për më tepër, 60 raste të reja të këtij virusi u konfirmuan në një anije të madhe japoneze, me të cilën po udhëtonin më shumë se 3700 persona, shkruan “The Guardian”, transmeton Gazeta Express.

Në Britani të Madhe u konfirmuan edhe katër raste të reja, përderisa qeveria e shpalli koronavirusin kërcënim serioz për shëndetin publik.

Video: Chinese President Xi Jinping inspected the #novelcoronavirus pneumonia prevention and control work in Beijing on Monday afternoon. Xi visited residents and staff in a community in Chaoyang District to learn about the situation of the frontline work. https://t.co/n2zr4Ckifs pic.twitter.com/fYLk7DqIzs

— Global Times (@globaltimesnews) February 10, 2020