Hong Kong: Ditën protestojnë dy milionë veta, natën i pastrojnë të gjitha rrugët
Protestuesit e Hong Kongut janë vlerësuar lart për pastrimin e rrugëve dhe hapësirave publike gjatë natës. Ata i kanë mbledhur të gjitha mbeturinat që janë lënë nga rreth dy milionë protestues gjatë ditës.
“Pjesëmarrësit janë duke e larguar grumbullin e fundit të mbeturinave. Dy milionë njerëz kaluan këndej dje, rruga ishte e mbushur dhe tashmë nuk është asnjë mbeturinë në rrugë”, shkroi në Twitter njëri nga organizatorët, Kong Tsung-gan, në orët e hershme të mëngjesit.
“Isha aty dhe pashë gjithçka. Pashë se si të rinjtë me qese të ndryshme i mblidhnin mbeturinat. Kishte shumë njerëz që e largonin bërllokun”, tha Ennie Chan, e cila mori pjesë në protestën e së dielës.
Protestuesit kanë rënë në sy për të mirë edhe për hapjen e rrugës për veturat e ambulancës që të kalojnë me lehtësi përmes grumbullit të madh të njerëzve.
Një nxënës i shkollës së mesme që deshi të mbetet anonim tha: “Protesta e djeshme ishte e bukur. Protestuesit ishin shumë të sjellshëm. Kishte shumë njerëz të moshuar. Kur ata nuk ndiheshin mirë, njerëzit përreth tyre u ofronin ujë dhe bukë dhe kërkonin nga të tjerët që të jenë të kujdesshëm ndaj tyre”.
Përndryshe, protestuesit kanë dalë në rrugët e Hong Kongut për disa ditë me radhë për ta kundërshtuar projektligjin e propozuar nga qeveria lidhur me ekstradimin e personave të dyshuar në Kinë. Analistët thonë se ky projektligj e rrezikon pavarësinë e sistemit të drejtësisë dhe i vë në rrezik personat që merren me çështje politike dhe fetare, shkruan “Independent".
Barricades are being erected across (I believe) Harcourt Rd. In keeping with the protester's surprisingly consistent tactical proficiency it looks as though they're filling the barriers with water so that 10 or so council workers can't remove them at like 5am. pic.twitter.com/eHMoVkA1qC
— Nathan Ruser (@Nrg8000) June 16, 2019
