Pentagoni e shpall “Anthropic”-un “rrezik për zinxhirin e furnizimit”

Pentagoni i dha të enjten një përcaktim formal të rrezikut të zinxhirit të furnizimit laboratorit të inteligjencës artificiale "Anthropic", duke kufizuar përdorimin e një teknologjie që një burim tha se po përdorej për operacione ushtarake në Iran.

Etiketa "rrezik i zinxhirit të furnizimit", e konfirmuar në një deklaratë nga "Anthropic", hyn në fuqi menjëherë dhe ua ndalon kontraktorëve qeveritarë përdorimin e teknologjisë së "Anthropic"-ut në punën e tyre për ushtrinë amerikane.

Por kompanitë ende mund ta përdorin "Claude" të "Anthropic"-ut në projekte të tjera që nuk lidhen me Pentagonin, sipas CEO-s të kompanisë Dario Amodei.

Ai tha se përcaktimi ka "një fushëveprim të ngushtë" dhe se kufizimet zbatohen vetëm për përdorimin e "Al Anthropic" në kontratat e Pentagonit.

Përcaktimi vjen pas një debati disamujor mbi këmbënguljen e kompanisë për masa mbrojtëse, të cilat Departamenti i Mbrojtjes tha se shkuan shumë larg.

Në deklaratën e tij, Amodei përsëriti se kompania do ta kundërshtonte përcaktimin në gjykatë.