Syzet inteligjente po vijnë me aftësi të jashtëzakonshme, por një problem po shqetëson gjithë internetin
Meta në konferencën “Connect” prezantoi Ray-Ban Display, syze inteligjente që integrojnë një ekran direkt në lentet e tyre.
Me ndihmën e aksesorit Neural Band, një byzylyk që regjistron lëvizjet e dorës, përdoruesit mund të shkruajnë dhe të marrin mesazhe, të shikojnë video të shkurtra në Instagram (Reels), të bëjnë video-thirrje, të regjistrojnë foto dhe video, madje edhe të përkthejnë bisedat në kohë reale. Përvoja është diskrete dhe funksionale, gjë që e bën këtë pajisje hapin më të madh deri tani në fushën e syzeve inteligjente.
Meta në konferencën “Connect” prezantoi Ray-Ban Display, syze inteligjente që integrojnë një ekran direkt në lentet e tyre.
Me ndihmën e aksesorit Neural Band, një byzylyk që regjistron lëvizjet e dorës, përdoruesit mund të shkruajnë dhe të marrin mesazhe, të shikojnë video të shkurtra në Instagram (Reels), të bëjnë video-thirrje, të regjistrojnë foto dhe video, madje edhe të përkthejnë bisedat në kohë reale. Përvoja është diskrete dhe funksionale, gjë që e bën këtë pajisje hapin më të madh deri tani në fushën e syzeve inteligjente.
Analisti Anshel Sag nga kompania Moor Insights & Strategy thekson se “rregullat e sjelljes” për syzet inteligjente janë ende në zhvillim.
Ai nënvizon se shumë institucione dhe ambiente do të duhet të përcaktojnë ndalesa të qarta për përdorimin e tyre - nga dhomat e zhveshjes dhe banjat, deri te transporti publik. Veçanërisht problematike është përdorimi gjatë ngasjes së makinës, pasi Meta Ray-Ban Display ofron navigim, dhe aktualisht nuk ka asnjë pengesë teknike që ta ndalojë përdorimin e tyre gjatë vozitjes. Kompania vetëm jep një paralajmërim nëse detekton shpejtësi të lartë, por nuk e ndalon funksionimin e syzeve.
Çështjet e privatësisë nuk kanë të bëjnë vetëm me dizajnin e pajisjes. Është e rëndësishme edhe mënyra se si kompani si Meta apo Google ruajnë të dhënat e mbledhura nga pajisje që ndodhen gjatë gjithë kohës në fytyrën tonë.
Ndërsa entuziastët lavdërojnë veçoritë si qasja e shpejtë në ndërfaqe apo regjistrimi diskret, kritikët kujtojnë historinë e problemeve me besimin dhe rastin e Google Glass, i cili dhjetë vite më parë shkaktoi kundërshtime pikërisht për shkak të frikës nga shkelja e privatësisë.
Pavarësisht të gjithave, shumëkush beson se Meta Ray-Ban Display përfaqëson një moment kyç për kategorinë e syzeve inteligjente. Pajisja tregon se teknologjia mund të jetë e dobishme dhe diskrete, por suksesi i saj do të varet nga ajo nëse përdoruesit dhe prodhuesit do të arrijnë së bashku të vendosin rregulla të qarta që mbrojnë privatësinë dhe sigurinë.
