Sukses i madh për Motorolën
Modeli më i ri me palosje i kompanisë Motorola, Razr 60 Ultra, është fitues i çmimit të këtij viti në kategorinë EISA Foldable Smartphone. Sipas Motorolës, ky telefon “kombinon performancën e lartë dhe prakticitetin në një formë kompakte”.
Ai funksionon me çipin më të ri Snapdragon 8 Elite me arkitekturë 3nm dhe ka 16 GB RAM, çka i mundëson të përballojë pa problem edhe detyrat më kërkuese, si lojërat apo punën shumëfunksionale (multitasking). Me 25 për qind konsum më të ulët të energjisë, ai ruan efikasitetin si në formën e palosur, ashtu edhe të shpalosur.
Dizajni i tij karakteristik përfshin një ekran të brendshëm pOLED 7 inç me rifreskim prej 165Hz, ndërsa ekrani i jashtëm 4 inç, plotësisht funksional, lejon përdorimin e aplikacioneve dhe ndërveprimin pa qenë nevoja ta hapësh telefonin.
Dizajni kompakt dhe i qëndrueshëm është përmirësuar me një menteshë të ridizajnuar dhe të forcuar me titan, si dhe me mbrojtje IP48 kundër pluhurit dhe ujit, duke e bërë këtë model më të qëndrueshmin nga seria Razr deri më sot.
Me kamera të avancuara që kombinojnë hardware të fuqishëm dhe software intuitiv, ky telefon ofron mundësi të pakufizuara për përdoruesit.
Moto AI
Moto AI revolucionarizon detyrat e përditshme, duke kaluar nga një ndihmës tradicional në një shoqërues proaktiv dhe intuitiv. Seria e re Razr sjell për herë të parë një grup funksionesh të avancuara të Moto AI:
Catch Me Up
Pay Attention
Remember This
Këto funksione janë zhvilluar bazuar në komentet e përdoruesve.
Tani ofrohen edhe përvoja më interesante dhe intuitive për brezin e ri të pajisjeve Razr, direkt nga ekrani i jashtëm. Me rekomandime në kohë reale, funksioni Next Move njeh përmbajtjen në ekran, si receta gatimi apo plane udhëtimi, dhe ofron sugjerime për hapat e radhës.
Kjo mund të përfshijë ruajtjen e detajeve të rëndësishme, krijimin e një playlist të temës së gatimit me Playlist Studio, ose përdorimin e funksionit Image Studio për të krijuar imazhe, figura, sfonde apo ngjitëse të frymëzuara nga udhëtimi i ardhshëm.
Me funksionin Smart Connect me AI, përdoruesit mund, përmes komandave zanore ose tekstuale si “ma shfaq këtë në TV”, të hapin përmbajtjen në TV, ta pasqyrojnë në PC apo tablet, apo të nisin një qendër shumëfunksionale.
Gjithashtu, fuqia e Gemini dhe Gemini Live është e disponueshme direkt nga ekrani i jashtëm i telefonit Razr, për planifikim kreativ dhe zgjidhje të shpejta të problemeve.
Në modelin Motorola Razr 60 Ultra, përdoruesit mund, me një shtypje të vetme të një butoni të dedikuar për AI, të qasen në funksionin Moto AI në çdo kohë dhe kudo. Kur pajisja është në pozicion stand ose tent, ata mund të përdorin opsionin Look & Talk, pa përdorur duart dhe vetëm me një shikim, për të biseduar me Moto AI asistentin, për të marrë përgjigje të shpejta, përmbledhje të njoftimeve apo transkriptime bisedash.
Me një bateri 4700 mAh dhe karikim të shpejtë 68W TurboPower, Razr 60 Ultra ofron mbi 36 orë përdorim, ndërsa karikimi i plotë arrihet për vetëm 40 minuta. Kështu, ky model bashkon fuqinë, qëndrueshmërinë dhe komoditetin, duke konfirmuar pse është vlerësuar me një nga çmimet më të rëndësishme globale në industrinë e pajisjeve mobile.
